ကြောက်လန့်ပီး ရှေ့ဆက်မတိုးရဲတော့ဘူး

ချောင်းဦးမြို့နယ်၊ မြပုလဲဆီဆိုင် စခန်းသိမ်းတိုက်ပွဲကို စစ်ကူလာသည့် ကား ၂ စီးအား မိုင်းဆွဲ ဖြတ်တောက် တိုက်ခိုက်

ရန်ကုန်၊ နိုဝင်ဘာ ၅

စစ်ကိုင်းတိုင်း၊ ချောင်းဦးမြို့နယ်၊ မြပုလဲဆီဆိုင်၌ တပ်စွဲထားသော အကြမ်းဖက် စစ်တပ်စခန်းကို ဝင်ရောက်တိုက်ခိုက် သိမ်းပိုက်စဥ် စစ်ကူလာသည့် ကား ၂ စီးကို မိုင်းဆွဲ ဖြတ်တောက် တိုက်ခိုက်နိုင်ခဲ့ ကြောင်း Area 71 People Defense Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြားသည်။

ယမန်နေ့ နိုဝင်ဘာလ ၄ ရက်နေ့ နံနက် ၅ နာရီခန့်က စ၍ ချောင်းဦးမြို့နယ် မြပုလဲဆီဆိုင်၌ တပ်စွဲထားသော အကြမ်းဖက် စစ်သားများကို ပြည်သူ့ကာကွယ်ရေးတပ်ဖွဲ့များ ပူးပေါင်းပြီး စခန်းသိမ်း တိုက်ပွဲ ဆင်နွှဲခဲ့ကြောင်း၊ ထို့သို့ တိုက်ခိုက်နေစဥ် နံနက် ၈ နာရီ ၁၀ မိနစ်၌ မုံရွာမြို့ အနောက်မြောက်တိုင်း စစ်ဌာနချုပ် – နမခ မှ စစ်သား အပြည့် တင်ဆောင်ထားသည့် သံပြားကာ ကား ၂ စီးဖြင့် စစ်ကူပေးရန် ထွက်ခွာလာခဲ့ကြောင်း သိရသည်။

စစ်ကူလာသော စစ်ကား ၂ စီးကို မုံရွာမြို့၏ တောင်ဘက်အထွက် တိုးဂိတ် နေရာအရောက်၌ အလွယ်တကူ သွားလာ၍ မရစေရန် အတားအစီးများ ပြုလုပ်ထားရာ အ ကြမ်းဖက် စစ်သားများ ကြောက်လန့်ပြီး မိုင်းကွင်းနားမရောက်ခင် တရစပ် ပစ်ခတ်ဝင်ရောက်လာခဲ့ကြောင်း၊ ထို့သို့ ပစ်ခတ် ဝင်ရောက်လာသည့် စစ်သားများကို ပဒေသာ မိုင်း ၃ လုံးတွဲ တစ်စုံ၊ ၄ လုံးတွဲ တစ်စုံ၊ ၅ လုံး တွဲ တစ်စုံတို့ဖြင့် မိုင်းပွိုင့် ၉ ဖြင့် ဖောက်ခွဲတိုက် ခိုက်ခဲ့ခြင်းဖြစ်ကြောင်း သိရသည်။

“ချောင်းဦး မြပုလဲဆီဆိုင်ကို အဖွဲ့စုံစုပြီး စခန်းသိမ်း မစ်ရှင်လုပ်နေချိန်မှာ နမခကနေ အင်အားဖြည့်တဲ့ ကား ၂ စီးကို မိုင်းဆွဲကြတာပါ၊ အသေအပျောက်တော့ ရှိနိုင်ပါတယ်၊ သေသေချာချာ စောင့်ကြည့်ဖို့ ခက် ခဲ တာရော၊ အခုနောက်ပိုင်း ခွေးတွေက သေရင် အလောင်းကို အမြင်မခံတော့ဘူး၊ ဝှက်ထားကြတာ၊ အဲဒါကြောင့် ပြောရခက်တာပါ၊ အဲဒီကြားနှစ်စီးကတော့ ရှေ့ဆက်မတိုးနိုင်တော့ပဲ အနီးနားက မုံရွေးရွာ ကို လက်နက်ကြီးနဲ့ထုတာ နေအိမ် ၃ လုံးမီးလောင်သွားပါတယ်၊” ဟု Area 71 People Defense Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

အဆိုပါ ဖြတ်တောက် တိုက်ခိုက်မှုကို Area 71 PDF Monywa အဖွဲ့ ၊ YOUTH VIGOR REVLUTION FORCE ၊ ANYAR DEFENCE FORCE (ADF) ၊ People Defence Force နွေဦးလူငယ် ၊ Myanmar Islamic Commandos (MIC PDF) နှင့် BLACK HERO LOCAL PDF တို့ပူးပေါင်းကာ တိုက်ခိုက်ခဲ့ခြင်း ဖြစ်ပြီး ပြည်သူ့ကာကွယ် ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရ သည်။

Be the first to comment

Leave a Reply

Your email address will not be published.


*