ထမင်းစားပြီးပြီးချင်း ကော်ဖီမသောက်သင့်တဲ့ အကြောင်းအရင်းများ

ထမင်းစားပြီးပြီးချင်း ကော်ဖီမသောက်သင့်တဲ့ အကြောင်းအရင်းများ

မနက်စာစားပြီးတာနဲ့ ကော်ဖီပူပူလေးတစ်ခွက် လိုအပ်သလို နေ့လည်စာစားအပြီးမှာ

cappuccino ပူပူလေးတစ်ခွက်က မပါမဖြစ်ဆိုတဲ့သူမျိုးတွေ ရှိကြမှာပါ။

နောက်ပြီး လေးလံတဲ့တစ်နေ့တာကို ဖြတ်သန်းဖို့ တစ်နေ့ကုန်အားအင်အပြည့်နဲ့

လှုပ်ရှားနိုင်ဖို့အတွက် ခပ်ပြင်းပြင်း espresso တစ်ခွက် လိုအပ်တာလည်း ဖြစ်နိုင်ပါတယ်။

ဒါပေမယ့် အစားစားပြီးတိုင်း ကော်ဖီသောက်တတ်တဲ့ အလေ့အကျင့်က

သင့်ကျန်းမာရေးနဲ့ သင့်ရုပ်ရည်ကို ထိခိုက်စေနိုင်ပါတယ်။

-အသားအရေကို ခြောက်သွေ့စေတယ်

အရသာရှိတဲ့ ကော်ဖီတစ်ခွက်ဟာ မနက်ခင်းမှာ သင့်ကိုနိုးထစေပြီး သင့်ရဲ့ကျန်းမာရေးကို

များစွာအကျိုးပြုပါတယ်။ ဒါပေမယ့် ထမင်းစားပြီးတာနဲ့ ကော်ဖီတန်းသောက်တာက

သင့်ခန္ဓာကိုယ်ကနေ အစားအစာရဲ့အဟာရအကုန်လုံးကို မရရှိစေပဲ သံဓာတ်စုပ်ယူမှုကို 80% အထိ

လျော့ချပစ်နိုင်ပါတယ်။ ခန္ဓာကိုယ်က သံဓာတ်လုံလောက်စွာမရတဲ့အခါ အသားအရေက

ပုံမှန်ထက်ပိုပြီး အရောင်ဖျော့လာကာ ခြောက်သွေ့ပြီး အရေးအကြောင်းတွေ ပိုဖြစ်လာတတ်ပါတယ်။

-သွားတွေကို ပျက်စီးစေတယ်

ထမင်းစားပြီးပြီးချင်း ကော်ဖီသောက်ခြင်းက ကယ်လ်စီယမ်အပါအဝင် တစ်ခြားလိုအပ်တဲ့

သတ္တုဓာတ်တွေကို ခန္ဓာကိုယ်က စုပ်ယူနိုင်စွမ်းကို နှေးကွေးသွားစေပါတယ်။

လူတွေဟာ ဆံပင်နဲ့ အရေပြားတွေကနေ ကယ်လ်စီယမ်ဓာတ်ကို သဘာဝအတိုင်းဆုံးရှုံးပြီး

ခန္ဓာကိုယ်ကနေ ဆီးနဲ့ချွေးအဖြစ် ဖယ်ထုတ်ပါတယ်။ ကော်ဖီသောက်ခြင်းက ခန္ဓာကိုယ်ကနေ

ကယ်လ်စီယမ်ဓာတ်ကို ပိုဆုံးရှုံးစေပြီး အစားအသောက်နဲ့မထိန်းဘူးဆိုရင်တော့ အရိုးနဲ့သွားတွေက

ကယ်လ်စီယမ်ဓာတ်ကို နောက်ဆုံးမှရရှိကြမှာဖြစ်လို့ ကယ်လ်စီယမ်မလုံလောက်မှုကြောင့်

သွားနဲ့ သွားဖုံးတွေကို ထိခိုက်လာစေနိုင်ပါတယ်။

-Cholesterol level ကို တိုးစေတယ်

ကော်ဖီမှာပါတဲ့ အဆီတွေဟာ ခန္ဓာကိုယ်ရဲ့ ကိုလက်စထရောကို ထိန်းညှိပေးတဲ့စွမ်းရည်ကို

ထိခိုက်နိုင်စေပြီး ဒါက cholesterol level ကို မြှင့်တက်စေနိုင်ကြောင်း

လေ့လာမှုတွေအရ တွေ့ရှိထားခဲ့တာ ဖြစ်ပါတယ်။

-ဆံသားတွေကို ပျက်စီးစေတယ်

ကိုယ်စားလိုက်တဲ့ နေ့လည်စာဟာ အဟာရမျှတပြီးကောင်းမွန်ပေမယ့်လို့

စားပြီးပြီးချင်း ကော်ဖီသောက်လိုက်တဲ့အခါမှာ စောစောကစားထားတာတွေက မထိရောက်တော့ပါဘူး။

အစာစားပြီးနောက် ကော်ဖီသောက်ခြင်းက အရေးကြီးတဲ့ဓာတ်သတ္တုတွေကို

ခန္ဓာကိုယ်ကနေ စုပ်ယူနိုင်စွမ်းအားနည်းသွားပြီး ဆံပင်သားတွေကိုလည်း ထိခိုစေနိုင်ပါတယ်။

သံဓာတ်ချို့တဲ့ခြင်းက ဆံပင်ကြီးထွားမှုကို လှုံ့ဆော်ပေးတဲ့ ဆဲလ်တွေရဲ့ပြုပြင်နိုင်စွမ်းကို ထိခိုက်သွားစေတာပါ။

အကျိုးဆက်ကတော့ ဆံပင်ကျွတ်ခြင်းတွေ ဖြစ်လာစေပြီး ဆံပင်သားတွေပါးလာစေတာပါ။

Credit