အစာအိမ်အတွက် ဘောစကိုင်းပင်

အစာအိမ်အတွက် ဘောစကိုင်းပင်

ဘောစကိုင်းပင်ကို အဝေရာပင်ဟုလည်းခေါ်ပြီး ပင်စောက် အပင်သေးမျိုး ဖြစ်သည်။

စိုက်ပျိုးရာတွင် အဖြစ်မြန်၊ အကြီးမြန်သည်။ အရွက်မှာ ကင်ပွန်းချဉ်ရွက်၊ ဆူးပုပ်ရွက်ကဲ့သို့ ရှိသည်။ ဘောစကိုင်းရွက်ကို ချေပြီး ရူကြည့်လျှင် ဆူးပုပ်ရွက်နံ့ အနည်းငယ်ရသည်။ အပွင့်မှာ အဖြူရောင်အလုံးလေးများ အဆုပ်လိုက် ပွင့်၍ အသီးမှာ အပြားကလေးများ ဖြစ်သည်။

ပုံသဏ္ဌာန်

ပင်လတ် တစ်မျိုးဖြစ်၏ ။ အမြင့် ၁၅ ပေမှ ၂၅ ပေခန့် ထိ မြင့်သည်။ အကိုင်း ဖြာသည်။

အခေါက် ကြမ်းပြီး မွဲခြောက်ခြောက် မီးခိုး ညိုရောင်ပေါ်တွင် အစိမ်းရောင် အကွက်ကလေးများ ရှိသည်။

အရွက်

ငှက်မွှေး ရွက်ပေါင်း ဖြစ်ပြီး ရွက်လွှဲ ထွက်သည်။ ရွက်မျော ရှိသည်။ ထိပ်အနည်းငယ် ချွန်ပြီး ရွက်ရင်း ရွဲ့စောင်း ၍ ခပ်ကျဲကျဲ မျက်နှာချင်းဆိုင် ထွက်သည်။

အပွင့်

ပန်းခိုင် ထီးထီး ဖြစ်သည်။ ပန်းခိုင် ထိပ်တွင် ပန်းပွင့်လေး များစုပြုံ၍ ဘောလုံးသဏ္ဌာန် ပွင့်၏ ။ (နန်းလုံးကြိုင် ပွင့် နှင့်တူသည်။) အပွင့် အဖြူရောင် ရှိသည်။ တစ်နှစ် ပတ်လုံး ပွင့်သည်။

အသီး

သီးတောင့် ရှည်မျိုး ဖြစ်၍ ပါးပြီး ပြားသည်။ အသီး တွင်း၌ အညိုရောင် ပြောင်ချောသော အစေ့ ၁၅ စေ့ အထိ ရှိသည်။

အသုံးပြုနိုင်သည့် အစိတ်အပိုင်းများ

ခေါက် ၊ အစေ့ ၊ ပဉ္စငါးပါး ၊ အရွက် နှင့် အသီးခွံ ။

အာနိသင်

မြန်မာ့ ဆေးကျမ်း များ အလိုအရ ဘောစကိုင်းသည် ပူ၏ ၊ သွေးကို ကြွစေ၏ ၊ လေကို ကြေစေ၏ ၊ အဆိပ်ကို နိုင်၏ ။

အသုံးပြုပုံ

အခေါက်

အခေါက် ကို ကိုယ်တွင်း ၌ နာကျင် ကိုက်ခဲသော ရောဂါ အတွက် အတွင်းဆေး အဖြစ် အသုံးပြု သည်။

အခေါက် နှင့် အမြစ်ပြုတ် ရည်ကို ကိုယ်ဝန်ပျက် မကျစေရန် ကာကွယ်ဆေးအဖြစ် ဖော်စပ် အသုံးပြု၏။

အစေ့

အစေ့ကို အကိုက်အခဲ အဖော အရောင် ပျောက်ရန် လိမ်းဆေး အဖြစ် ဖော်စပ် အသုံးပြုသည်။

ပဉ္စငါးပါး

ဘောစကိုင်း ကို အဆိပ်ဖြေ ဆေးအဖြစ် အသုံးပြု ရာ၌ ထင်ရှား၏။ ဘောစကိုင်း ငါးပါး သို့မဟုတ် အမြစ် ကို ကြိတ်၍ ထောပတ် နှင့် ရောပြီး သောက်ခြင်း ၊ ကိုက်ခဲ ရာ၌ လိမ်းကျံ ခြင်း ဖြင့် မြွေဆိပ် ပြေ၏။

အရွက်နှင့် အသီးခွံ

အရွက် နုကလေးများ နှင့် အသီးခွံ ကို ပြုတ်၍ တို့စားခြင်းဖြင့် ဝမ်းမှန် စေသည်။ ဒူလာ ကိုက်ခဲခြင်း ကိုလည်း ပျောက်စေသည်။

ဘောစကိုင်းရွက်များ လက်တဆုပ်စာကို ရေနှင့် သုံးခွက်တစ်ခွက်တင် ပြုတ်၍ လက်ဘက်ရည်အကြမ်း ပန်းကန်တစ်လုံးခန့် သောက်ပေးပါက (နံနက် တစ်ကြိမ်၊ ည တစ်ကြိမ်) သွေးတိုးရောဂါ ကျဆင်းသွားစေသည်။

အရွက်များကို ပြုတ်၍ မကြာခဏ တို့စားခြင်း၊ သုပ်စားခြင်း၊ ကြော်စားခြင်းများ မကြာခဏ စားသုံးပေးပါက ကိုယ်ဝန်ပျက်ကျတတ်သော အမျိုးသမီးများ ကိုယ်ဝန်ပြန်လည် ရရှိစေသည်။

ကိုယ်ဝန်ပျက်ကျခြင်းမှလည်း ကာကွယ်ပေးပါသည်။

အရွက်များကို ဆေးပြီး ညက်အောင်ထောင်းကာ အနာဟောင်း၊ အနာဆွေးများကို အုံပေးထားပါက အနာပျောက် မြန်စေသည်။

ပြည်တစိုစို ရှိနေသော အနာများကို ရွက်ပြုတ်ရည်နှင့် ဖန်ဆေးပေးခြင်းဖြင့် အနာများ အသားနုတက် မြန်စေသည်။

ရွက်နုကို ဟင်းချိုဖြစ်စေ၊ တို့စရာဖြစ်စေ၊ သုပ်၍ စားခြင်းတို့ဖြင့် နေ့စဉ်မှန်မှန် စားပေးပါက အစာအိမ်ရောဂါရှင်များ ရောဂါသက်သာ ပျောက်ကင်းစေသည်။

အစာမှား၍ အဆိပ်ဖြစ်ခြင်း၊ အစာအဆိပ်သင့်ခြင်း၊ မအီမလည်ဖြစ်ခြင်း၊ မကြာခဏ အော့အန်ခြင်းများ ဖြစ်နေပါက အရွက်ကြမ်း လက်တဆုပ်စာကို သုံးခွက်တစ်ခွက်တင် ကျိုပြီး သောက်ပေးပါက အစာမှားနှင့် အဆိပ်သင့်ခြင်းတို့မှ ပျောက်ကင်းစေသည်။

credit:မူရင်းရေးသားသူကိုလေးစားစွာဖြင့်

Zawgyi

အစာအိမ္အတြက္ ေဘာစကိုင္းပင္

ေဘာစကိုင္းပင္ကို အေဝရာပင္ဟုလည္းေခၚၿပီး ပင္ေစာက္ အပင္ေသးမ်ိဳး ျဖစ္သည္။

စိုက္ပ်ိဳးရာတြင္ အျဖစ္ျမန္၊ အႀကီးျမန္သည္။ အ႐ြက္မွာ ကင္ပြန္းခ်ဥ္႐ြက္၊ ဆူးပုပ္႐ြက္ကဲ့သို႔ ရွိသည္။ ေဘာစကိုင္း႐ြက္ကို ေခ်ၿပီး ႐ူၾကည့္လွ်င္ ဆူးပုပ္႐ြက္နံ႕ အနည္းငယ္ရသည္။ အပြင့္မွာ အျဖဴေရာင္အလုံးေလးမ်ား အဆုပ္လိုက္ ပြင့္၍ အသီးမွာ အျပားကေလးမ်ား ျဖစ္သည္။

ပုံသဏၭာန္

ပင္လတ္ တစ္မ်ိဳးျဖစ္၏ ။ အျမင့္ ၁၅ ေပမွ ၂၅ ေပခန႔္ ထိ ျမင့္သည္။ အကိုင္း ျဖာသည္။ အေခါက္ ၾကမ္းၿပီး မြဲေျခာက္ေျခာက္ မီးခိုး ညိုေရာင္ေပၚတြင္ အစိမ္းေရာင္ အကြက္ကေလးမ်ား ရွိသည္။

အ႐ြက္

ငွက္ေမႊး ႐ြက္ေပါင္း ျဖစ္ၿပီး ႐ြက္လႊဲ ထြက္သည္။ ႐ြက္ေမ်ာ ရွိသည္။ ထိပ္အနည္းငယ္ ခြၽန္ၿပီး ႐ြက္ရင္း ႐ြဲ႕ေစာင္း ၍ ခပ္က်ဲက်ဲ မ်က္ႏွာခ်င္းဆိုင္ ထြက္သည္။

အပြင့္

ပန္းခိုင္ ထီးထီး ျဖစ္သည္။ ပန္းခိုင္ ထိပ္တြင္ ပန္းပြင့္ေလး မ်ားစုၿပဳံ၍ ေဘာလုံးသဏၭာန္ ပြင့္၏ ။ (နန္းလုံးႀကိဳင္ ပြင့္ ႏွင့္တူသည္။) အပြင့္ အျဖဴေရာင္ ရွိသည္။ တစ္ႏွစ္ ပတ္လုံး ပြင့္သည္။

အသီး

သီးေတာင့္ ရွည္မ်ိဳး ျဖစ္၍ ပါးၿပီး ျပားသည္။ အသီး တြင္း၌ အညိုေရာင္ ေျပာင္ေခ်ာေသာ အေစ့ ၁၅ ေစ့ အထိ ရွိသည္။

အသုံးျပဳနိုင္သည့္ အစိတ္အပိုင္းမ်ား

ေခါက္ ၊ အေစ့ ၊ ပၪၥငါးပါး ၊ အ႐ြက္ ႏွင့္ အသီးခြံ ။

အာနိသင္

ျမန္မာ့ ေဆးက်မ္း မ်ား အလိုအရ ေဘာစကိုင္းသည္ ပူ၏ ၊ ေသြးကို ႂကြေစ၏ ၊ ေလကို ေၾကေစ၏ ၊ အဆိပ္ကို နိုင္၏ ။

အသုံးျပဳပုံ

အေခါက္

အေခါက္ ကို ကိုယ္တြင္း ၌ နာက်င္ ကိုက္ခဲေသာ ေရာဂါ အတြက္ အတြင္းေဆး အျဖစ္ အသုံးျပဳ သည္။

အေခါက္ ႏွင့္ အျမစ္ျပဳတ္ ရည္ကို ကိုယ္ဝန္ပ်က္ မက်ေစရန္ ကာကြယ္ေဆးအျဖစ္ ေဖာ္စပ္ အသုံးျပဳ၏။

အေစ့

အေစ့ကို အကိုက္အခဲ အေဖာ အေရာင္ ေပ်ာက္ရန္ လိမ္းေဆး အျဖစ္ ေဖာ္စပ္ အသုံးျပဳသည္။

ပၪၥငါးပါး

ေဘာစကိုင္း ကို အဆိပ္ေျဖ ေဆးအျဖစ္ အသုံးျပဳ ရာ၌ ထင္ရွား၏။ ေဘာစကိုင္း ငါးပါး သို႔မဟုတ္ အျမစ္ ကို ႀကိတ္၍ ေထာပတ္ ႏွင့္ ေရာၿပီး ေသာက္ျခင္း ၊ ကိုက္ခဲ ရာ၌ လိမ္းက်ံ ျခင္း ျဖင့္ ေႁမြဆိပ္ ေျပ၏။

အ႐ြက္ႏွင့္ အသီးခြံ

အ႐ြက္ ႏုကေလးမ်ား ႏွင့္ အသီးခြံ ကို ျပဳတ္၍ တို႔စားျခင္းျဖင့္ ဝမ္းမွန္ ေစသည္။ ဒူလာ ကိုက္ခဲျခင္း ကိုလည္း ေပ်ာက္ေစသည္။

ေဘာစကိုင္း႐ြက္မ်ား လက္တဆုပ္စာကို ေရႏွင့္ သုံးခြက္တစ္ခြက္တင္ ျပဳတ္၍ လက္ဘက္ရည္အၾကမ္း ပန္းကန္တစ္လုံးခန႔္ ေသာက္ေပးပါက (နံနက္ တစ္ႀကိမ္၊ ည တစ္ႀကိမ္) ေသြးတိုးေရာဂါ က်ဆင္းသြားေစသည္။

အ႐ြက္မ်ားကို ျပဳတ္၍ မၾကာခဏ တို႔စားျခင္း၊ သုပ္စားျခင္း၊ ေၾကာ္စားျခင္းမ်ား မၾကာခဏ စားသုံးေပးပါက ကိုယ္ဝန္ပ်က္က်တတ္ေသာ အမ်ိဳးသမီးမ်ား ကိုယ္ဝန္ျပန္လည္ ရရွိေစသည္။ ကိုယ္ဝန္ပ်က္က်ျခင္းမွလည္း ကာကြယ္ေပးပါသည္။

အ႐ြက္မ်ားကို ေဆးၿပီး ညက္ေအာင္ေထာင္းကာ အနာေဟာင္း၊ အနာေဆြးမ်ားကို အုံေပးထားပါက အနာေပ်ာက္ ျမန္ေစသည္။

ျပည္တစိုစို ရွိေနေသာ အနာမ်ားကို ႐ြက္ျပဳတ္ရည္ႏွင့္ ဖန္ေဆးေပးျခင္းျဖင့္ အနာမ်ား အသားႏုတက္ ျမန္ေစသည္။

႐ြက္ႏုကို ဟင္းခ်ိဳျဖစ္ေစ၊ တို႔စရာျဖစ္ေစ၊ သုပ္၍ စားျခင္းတို႔ျဖင့္ ေန႕စဥ္မွန္မွန္ စားေပးပါက အစာအိမ္ေရာဂါရွင္မ်ား ေရာဂါသက္သာ ေပ်ာက္ကင္းေစသည္။

အစာမွား၍ အဆိပ္ျဖစ္ျခင္း၊ အစာအဆိပ္သင့္ျခင္း၊ မအီမလည္ျဖစ္ျခင္း၊ မၾကာခဏ ေအာ့အန္ျခင္းမ်ား ျဖစ္ေနပါက အ႐ြက္ၾကမ္း လက္တဆုပ္စာကို သုံးခြက္တစ္ခြက္တင္ က်ိဳၿပီး ေသာက္ေပးပါက အစာမွားႏွင့္ အဆိပ္သင့္ျခင္းတို႔မွ ေပ်ာက္ကင္းေစသည္။

credit:မူရင္းေရးသားသူကိုေလးစားစြာျဖင့္