ကြာအင်းဆိပ်ကြီးမြို့ပေါ်ရှိ စစ်စခန်းများနှင့် ထောက်ပို့ စစ်ကြောင်းကို တိုက်ခိုက်မှု စစ်တပ်ဘက်မှ ထိခိုက်သေဆုံးသူ များပြားပြီး လက်နက် ခဲယမ်းများ သိမ်းဆည်းရရှိ
ရန်ကုန်၊ နိုဝင်ဘာ ၅
ကရင်ပြည်နယ်၊ ကြာအင်းဆိပ်ကြီးမြို့ပေါ်ရှိ အကြမ်းဖက် စစ်တပ်၏ စစ်စခန်း များနှင့် ထောက်ပို့ စစ်ကြောင်းကို တိုက်ခိုက်ရာ စစ်တပ်ဘက်မှ ၄၅ ဦး သေ ဆုံးပြီး လက်နက် ခဲယမ်းများ သိမ်းဆည်းရရှိခဲ့ကြောင်း တောင်ပိုင်းတိုင်း အထူးစစ်ဆင်ရေးတပ်ဖွဲ့ – SOF မှ တာဝန်ရှိသူက ရန်ကုန်ခေတ်သစ်သတင်း ဌာနထံသို့ ပြောဆိုသည်။
နိုဝင်ဘာလ ၂ ရက်နေ့တွင် ကြာအင်းဆိပ်ကြီးမြို့ပေါ်ရှိ ရဲစခန်း၊ ထွေအုပ်ရုံး၊ လဝကရုံး၊ သစ်တောရုံးနှင့် မီး သတ်ရုံးတို့၌ တပ်စွဲထားသော အကြမ်းဖက် စစ်ကောင်စီတပ်သားများကို KNLA ပူးပေါင်းတပ်ဖွဲ့များက ဝင်ရောက်တိုက် ခိုက်ခဲ့ရာ အကြမ်းဖက် စစ်သား ၁၁ ဦးသေဆုံးပြီး အများအပြားဒဏ်ရာရရှိကာ MA-1 သေ နတ် ၁ လက်၊ MA-2 စက်လက် ၁ လက်၊ ပူးတွဲဗုံးလောင်ချာ ၁ လက်၊ ကျည်အိမ် ၁၅ ခု၊ ၅.၅၆ ကျည် ၇၉၀ တောင့်၊ ဦးထုပ်နှင့် ကျည်ကာ ၁ စုံ၊ ကွန်ပျူတာနှင့် မှတ်တမ်းအချို့သိမ်းဆည်းရရှိခဲ့ကြောင်း သိရ သည်။
အဆိုပါ တိုက်ခိုက်မှုကို KNLA ၊အထူးစစ်ဆင်ရေးတပ်ဖွဲ – S.O.F ၏ စစ် ကြောင်း ၂ စစ်ကြောင်းမှုးဦး ဆောင်သော တပ်ဖွဲ့၊ Lion Battalion စစ်ကြောင်း၊ ပုဏ္ဏက တပ်ဖွဲ့ ၊ Cloud Wings ဒရုန်းတပ်ဖွဲ့ တို့ ပူး ပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
အလားတူ နိုဝင်ဘာလ ၂ ရက်နံနက် ၇ နာရီခွဲမှ ညနေ ၄ နာရီခန့်အထိ အကြမ်း ဖက် စစ်ကောင်စီ၏ နယ် စပ်အထိုင်စခန်းဖြစ်သော ကွီလုံတိုင်စစ်စခန်းကို KNLA ၊ အထူးစစ်ဆင်ရေးတပ်ဖွဲ – S.O.F ၏ တပ်ဖွဲ့မှူး ဦးဆောင် သောစစ်ကြောင်း ၊ Federal Wings၊ SOG၊ Cloud Wings ဒရုန်းတပ်ဖွဲများမှ စခန်းအတွင်း ဝင် ရောက်တိုက်ခိုက်ခဲ့ အကြမ်းဖက် စစ်သား ၄ ဦးသေဆုံးပြီး တချို့မှာ စခန်းစွန့်ခွာ ထွက်ပြေးသွားကြောင်း သိရသည်။
အလားတူ အောက်တိုဘာလ ၂၆ ရက် နှင့် ၂၇ ရက်နေ့များတွင် ၊ KNU တပ်မဟာ ၆ နယ်မြေအတွင်းရှိ၊ အ ကြမ်းဖက်စစ်တပ်၏ ဖိုးချီးမူးစခန်းသို့ ရိက္ခာနှင့်လက်နက်ခဲယမ်းလာရောက် ပို့ဆောင်လာသော အင်အား ၁၀၀ ခန့်ရှိ ခမရ ၃၅၈ ၊ ခမရ ၅၅၈၊ ခလရ ၅၆၁ ၊ ခလရ ၅၅၇ စစ်ကြောင်းကို KNLA ပူးပေါင်း တပ်ဖွဲ့မှ ကြားဖြတ်တိုက်ခိုက်ခဲ့ရာ ၂ ရက်ဆက်တိုက် တိုက်ပွဲပြင်း ထန်ခဲ့ပြီး အကြမ်းဖက်စစ်သား ၃၀ ဦးခန့်သေဆုံးကာ အများ အပြား ဒဏ်ရာရရှိခဲ့ပြီး ပြန်လည် ဆုတ်ခွာသွားခဲ့ကြောင်း သိရသည်။
အဆိုပါတိုက်ခိုက်မှုကို KNLA ၊ အထူးစစ်ဆင်ရေးတပ်ဖွဲ S.O.F၏ စစ်ကြောင်း ၁ စစ်ကြောင်းမှူး ဦး ဆောင် သော တပ်ဖွဲ့နှင့် တော်လှန်ရေး ပူးပေါင်းအဖွဲများက တိုက်ခိုက်ခဲ့ခြင်းဖြစ်ကြောင်း သိရသည်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ ကာကွယ် ရေး တပ်မတော်၊ အထူး စစ် ဆင်ရေးတပ်ဖွဲ – S.O.F (၉၉၉၉/ အထူးတပ်ဖွဲ) အနေဖြင့် တောင်ပိုင်းစစ်ဒေသအတွင်း၌ ကျေးလက်နှင့် မြိုတွင်းစစ်ဆင်ရေး တာဝန်များကို ဆက်တိုက် အရှိန်မြှင့်ဆောင် ရွက်လျက် ရှိကြောင်း၊ အဆိုပါ တိုက်ပွဲ များ အတွင်း အကြမ်းဖက် စစ်ကောင်စီ တပ်သား အများအပြားကို ချေမှုန်းနိုင်ခဲ့ပြီး လက်နက်ခဲယမ်း သိမ်းဆည်းရရှိကာ S.O.F နှင့် ပူးပေါင်းအဖွဲ့ များမှ ရဲဘော်တစ်ချို့တိုင်းပြည်အတွက် မြင့်မြတ်စွာအသက် ပေးလှူခဲ့ကြောင်း သိရှိရသည်။
