နတ်သံကွင်းမြို့ရှိ စစ်ကောင်စီတပ်စခန်း ၃ ခုကို KNLA ဦးဆောင်သော တော်လှန်ရေးတပ်များက သိမ်းပိုက်မှု စစ်သား ၂၀ ဦးသေဆုံးပြီး လက်နက် ၁၉ လက်နှင့်ခဲယမ်းများ ရရှိ
ရန်ကုန်၊ ဒီဇင်ဘ ၂၇
ပဲခူးတိုင်း၊ ကျောက်ကြီးမြို့နယ်၊ နတ်သံကွင်းမြို့ရှိ စစ်ကောင်စီတပ်စခန်း ၃ ခုကို KNLA ဦးဆောင်သော တော်လှန်ရေးတပ်များက သိမ်းပိုက်မှု စစ်သား ၂၀ ဦးသေဆုံးပြီး လက်နက် ၁၉ လက်နှင့်ခဲယမ်းများ ရရှိကြောင်း KNU ဗဟိုက သတင်းထုတ်ပြန်သည်။
ဒီဇင်ဘာလ ၂၆ ရက်နေ့တွင် KNU −ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေ၊ ခလယ်လွီထူခရိုင်၊ တပ်မဟာ (၃)၊ မူးမြို့နယ် အတွင်းရှိ စစ်ကောင်စီတပ်၏ လည်ပတ်တပ်စခန်း၊ အုန်းနဲပင်တပ်စခန်း နှင့် နရွဲပင်တပ်စခန်းတို့ကို ကရင်အမျိုးသားလွတ်မြောက်ရေးတပ်မတော် (K.N.L.A) လက်အောက်ခံ တပ်ရင်းတပ်ဖွဲ့များနှင့် တော်လှန်ရေး ပူးပေါင်းတပ်ဖွဲ့များက သိမ်းပိုက်နိုင်ခဲ့ကြောင်း သိရှိရသည်။
စစ်ကောင်စီ တပ်စခန်း ၃ ခုကို တိုက်ခိုက်သိမ်းပိုက်သည့်အချိန်အတွင်း စစ်ကောင်စီတပ်သား ၂၀ ဦး သေးဆုံးခဲ့ပြီး လက်နက်မျိုးစုံ ၁၉ လက် နှင့် ခဲယမ်းအချို့သိမ်းဆည်းရမိခဲ့ပြီး ကရင်အမျိုးသားလွတ်မြောက်ရေးတပ်မတော် (K.N.L.A) လက်အောက်ခံတပ်ရင်းတပ်ဖွဲ့များနှင့် တော်လှန်ရေးပူးပေါင်းတပ်ဖွဲ့များဘက်မှလည်း ထိခိုက်ကျဆုံးမှုအချို့ရှိခဲ့ကြောင်း သိရှိရသည်။
ထိုစခန်းများကို တိုက်ခိုက်သိမ်းပိုက်ပြီးနောက် နတ်သံကွင်းရှိတပ်စခန်းများကို ဆက်လက်ထိုးစစ်ဆင်လျက်ရှိပြီး တိုက်ပွဲများဖြစ်ပွားနေစဉ်အတွင်း အာဏသိမ်းအကြမ်းဖက်စစ်ကောင်စီတပ်များမှ လေကြောင်းဖြင့် စစ်ကူပေးလျက်ရှိကြောင်း သိရှိရသည်။
