ပန်းရံပျူခေါင်းဆောင်ရဲ့ မင်္ဂလာဆောင်အဝင်ညမှာ မူးရှုးသောက်စားပြီး စိန်ခေါ်နေတဲ့ ပျူစောထီးတွေကို ဒရုန်းနဲ့ဗုံးသီးချတိုက်ခိုက် (ရုပ်သံ)
ဖေဖော်ဝါရီ ၂၆
စစ်ကိုင်းတိုင်း၊ ရွှေဘိုမြို့နယ်၊ ပန်းရံပျူလက်နက်ကိုင်ခေါင်းဆောင် မိုးအောင်မင်္ဂလာဆောင်အဝင်ညမှာ သောက်စားမှုရှုးပြီး PDFတွေဒရုန်းနဲ့လာချရဲရင်လာခဲ့ ဂျန်မာရှိတယ်လို့စိန်ခေါ်တဲ့အတွက် ဒရုန်းနဲ့သွားဗုံးသီးချတိုက်ခိုက်ခဲ့တာလို့ ဗိုလ်မိကျောင်းက ပြောပါတယ်။
မနေ့ညက သတို့သားပျူလက်နက်ကိုင်မိုးအောင်မင်္ဂလာဆောင်မှာ ပျူတွေလူစုပြီး သောက်စားမှုးရှုးစိန်ခေါ်နေလို့ ဒရုန်းနဲ့ သွားရောက်တိုက်ခိုက်ခဲ့တာလို့ပြောပါတယ်။
“မင်္ဂလာဆောင်အဝင်ညမှာ ပျူတွေစုပြီး သောက်စားနေတယ်လို့ အတွင်းသတင်းရလို့ ၄လက်ဒရုန်း၂စီးနဲ့သွားတိုက်ခိုက်ခဲ့တာပါ။ထိခိုက်မှုကတော့ရှိမှာပါဗျ။ ကျနော်တိုအတိအကျသိရဖို့ စုံစမ်းနေဆဲပါ။ ပျူအားကောင်းတဲ့ရွာဆိုတော့ စုံစမ်းရတာခက်တယ်။ပျူတွေဘက်ကလည်း လက်နက်ငယ်တွေနဲ့ ကောင်တာပြန်ပစ်ခတ်မှုတွေပြုလုပ်ခဲ့ပါတယ်”လို့ဗိုလ်မိကျောင်းက ပြောပါတယ်။
ဒီတိုက်ခိုက်မှုကို Shwebo Crocodile ၊ ရွှေဘိုမြို့နယ် ပြည်သူ့လုံခြုံရေး တပ်ဖွဲ့ ၊မဟာမိတ်ဖြစ်သေား ရှင်းရှင်း ပြည်သူ့ကာကွယ်ရေးတပ်ဖွဲ့ ၊Buffalo Soldiers Freedom Force ၊(BGS) Drone Force Ayadow Rocket(LPDF) ၊Eagle Brothers Knight Force Ayadaw, SAGAING ၊ ဗိုလ်လင်းရောင်(ဒပယ)
ဇာမဏီဒေါင်း၊တန(၂) တပ်ပေါင်းစု တို့ ပူးပေါင်းတိုက်ခိုက်ခဲ့တာလို့သိရပါတယ်။
တဆက်ထဲမှာ ပန်းရံပျူခေါင်းဆောင်အောင်ကျော်ဆိုသူက ဒရုန်းနဲ့ PDFကဗုံးလာချလို့မရအောင် ဂျန်မာဝယ်ဖို့ တအိမ်ကို ၂သောင်းနှုန်းနဲ့ ငွေကောက်ခံနေတယ်လို့ပါသိရပါတယ်။
