ဂန့်ဂေါမြို့နယ်၊ မင်းရွာရဲစခန်း သိမ်းပိုက်မှုတွင် စစ်ကောင်စီတပ်ဖွဲ့ဝင် အင်အား ၂၀ ရှိသည့်အနက် ၆ ဦးသေဆုံးပြီး ၁၁ ဦး လက်နက်ချ အညံ့ခံ၊ ၄ ဦးထွက်ပြေးသွားပြီး သေနတ် ၁၇ လက်သိမ်းဆည်းရရှိ(ရုပ်/သံ)
ရန်ကုန်၊ နိုဝင်ဘာ ၄
မကွေးတိုင်း၊ ဂန့်ဂေါမြို့နယ်၊ မင်းရွာရဲစခန်းကို တော်လှန်ရေးတပ်ဖွဲ့များက သိမ်းပိုက်ရရှိမှုတွင် အဆိုပါ စခန်းတွင် စစ်ကောင်စီတပ်ဖွဲ့ဝင် အင်အား ၂၀ ရှိသည့်အနက်မှ ၆ ဦးသေဆုံးခဲ့ကြောင်း၊၁၁ ဦး လက်နက်ချ အညံ့ခံပြီး ၄ ဦးထွက်ပြေးသွားကြောင်း ကာကွယ်ရေးဝန်ကြီးဌာနက တရားဝင် သတင်းထုတ်ပြန်သည်။
နိုဝင်ဘာလ ၃ ရက်နေ့ နံနက် ၅ နာရီ ၅၀ မိနစ်အချိန်မှ မနက် ၁၀ နာရီခန့်အချိန် မကွေးတိုင်း၊ ဂန့်ဂေါခရိုင်၊ဂန့်ဂေါမြို့နယ်၊မင်းရွာရဲကင်းစခန်းကို ပြည်သူ့ကာကွယ်ရေး တပ်မတော်(PDF) ဂန့်ဂေါခရိုင် အမှတ်(၁/၇/၁၁/၁၂/၁၄/၁၉)တပ်ရင်း၊ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF)၊နယ်မြေခံ ပကဖ တို့ပူးပေါင်းကာ စခန်းသိမ်း တိုက်ပွဲဆင်နွှဲခဲ့ကြောင်း၊ တိုက်ပွဲအတွင်း စစ်ကောင်စီတပ်သား ၆ ဦး သေဆုံးကာ စစ်သုံ့ပန်းအဖြစ် ၁၁ ဦး လက်နက်ချ အညံ့ခံခဲ့ပြီး (၄) ဦး စခန်းစွန့်ခွာ ထွက်ပြေးသွားခဲ့ကြောင်း သိရှိရသည်။
တိုက်ပွဲအပြီးနောက် အဆိုပါ မင်းရွာ ရဲကင်းစခန်းမှ
(၁) G-3 သေနတ်(၁၁)လက်
(၂) G-4 သေနတ်(၁)လက်
(၃) MA-1 သေနတ်(၁) လက်
(၄) MA- 3 သေနတ်(၁)လက်
(၅) MA-4 သေနတ်(၁)လက်
(၆) 40မမ (၁)လက်
(၇) 60မမ (၁)လက်
(၈) ခြောက်လုံးပြူး သေနတ် (၂)လက်
(၉) G3 ကျည် (၃၇၇၀) တောင့်
(၁၀) MA ကျည် (၂၀၃၀)တောင့်
(၁၁) (၆၀)မမ ဗုံးသီး (၃၂)လုံး
(၁၂) နင်းမိုင်းကြီး (၁၀) လုံး
(၁၃) နင်းမိုင်းသေး(၁၀)လုံး
(၁၄) လက်ပစ်မိုင်း (၆)လုံး
(၁၅) တိုက်မိုင်း (၁၀)လုံး
(၁၆) G3 ကျည်ဘောက် (၂၂)
(၁၇) MA2 ကျည်ဘောက်(၁)ခု
(၁၈) (၄၀မမ)ဗုံးသီး (၁၉) လုံး
(၁၉) MA ကျည်ဘောက်(၁၁)ခု
(၂၀) Bluetooth Box (၁) လုံး
(၂၁) ဟန်းကော (၁၁)လုံး
(၂၂) သံခမောက် (၁၂)လုံး
(၂၃) ပွိုင့်ဖိနပ် (၃)ရံ
(၂၄) ဓာတ်မီး (၁)လက်
(၂၅) စားဆီ (၁၀) ပိဿာ
(၂၆) TV (၁)လုံး
(၂၇၀ Air cooler (၁)လုံး
(၂၈) ထမင်းအိုး (၁)လုံး
(၂၉) ငွေသား (၄၆၅၇၀၀) ကျပ်
(၃၀) ရေခဲသေတ္တာ (၁) လုံး
(၃၁) ဓားချွန် (၅)လက်
(၃၂) ဓားရှည် (၃)လက်
(၃၃) တူ (၃)လက်
(၃၄) ဖုန်း(၈)လုံး
(၃၅) ကင်မရာ (၁)လုံး
(၃၆၀ နာရီ(၄)လုံး
(၃၇) ရွှေလက်ကောက် (၄)ကွင်း
(၃၈) လက်စွပ်(၁)ကွင်း
(၃၉) နားဆွဲ(၁)ခု
(၄၀) Icon အထိုင်စက် (၂)လုံး
(၄၁) Icon TYT (၁)လုံး
(၄၂) Equipment (၁၁) ထည် တို့ကို သိမ်းဆည်းရရှိခဲ့ကြောင်း ၊ တော်လှန်ရေး မဟာမိတ်ပူးပေါင်းတပ်ဖွဲ့မှ ရဲဘော် ၁၃ ဦး ထိခိုက်ဒဏ်ရာရရှိခဲ့ပြီး မင်းရွာရဲကင်းစခန်းကို အောင်မြင်စွာ သိမ်းပိုက်ရရှိခဲ့ကြောင်း ကာကွယ်ရေးဝန်ကြီးဌာနက ထုတ်ပြန်ထားသည်။
