ပုလောမြို့မှ ပလောက်မြို့ကို ထွက်လာသည့် စစ်သားများ လိုက်ပါလာသော ကား ၃ စီးကို မိုင်းဆွဲ ပစ်ခတ်တိုက်ခိုက်မှု စစ်ကား ၁ စီး မီးလောင် ပျက်စီးပြီး စစ်ဘက်မှ ထိခိုက်ဒဏ်ရာရရှိသူ များပြား
ရန်ကုန်၊ ဒီဇင်ဘာ ၁၃
တနင်္သာရီတိုင်း၊ ပုလောမြို့မှ ပလောက်မြို့ကို ထွက်လာသည့် စစ်သားများ လိုက်ပါလာသော ကား ၃ စီးကို မိုင်းဆွဲ ပစ်ခတ်တိုက်ခိုက်မှု စစ်ကား ၁ စီး မီးလောင် ပျက်စီးပြီး စစ်ဘက်မှ ထိခိုက်ဒဏ်ရာရရှိသူ များပြားရှိကြောင်း PDF Myeik District Battalion 1 – P23401 မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဒီဇင်ဘာ ၁၂ ရက်နေ့ နံနက် ၈ နာရီခွဲ အချိန်တွင် ပုလောမြို့မှ ပလောက်မြို့ကို ထွက်ခွာလာသည့် အကြမ်းဖက် စစ်သားများ လိုက်ပါလာသော ကား ၃ စီးကို ပုလောမြို့နယ် ၇ မိုင်အနီး၌ ခြုံခို ပစ်ခတ် တိုက်ခိုက်ခဲ့ခြင်းဖြစ်ပြီး အဆိုပါ တိုက်ခိုက်မှုတွင် အကြမ်းဖက် စစ်သား ၇ ဦးထက် မနည်း ထိခိုက်ဒဏ်ရရှိခဲ့ကြောင်း သိရှိရသည်။
ပစ်ခတ် တိုက်ခိုက်မှု ဖြစ်ပွားပြီးနောက် ဒဏ်ရာရရှိသော စစ်သားများကို ဆက်သယ်သွားသည့် အဆိုပါ ယာဉ်တန်းကို သစ်လှတောကျေးရွာအနီး နံနက် ၉ နာရီဝန်းကျင်တွင် တော်လှန်ရေး ရဲဘော်များက ထပ်မံ၍ မိုင်းခွဲတိုက်ခိုက်ခဲ့ကြောင်း၊ မိုင်းဆွဲ တိုက်ခိုက်မှုကြောင့် အကြမ်းဖက်စစ်သားများ ထပ်မံ ဒဏ်ရာရရှိကာ ကား ၁ စီး မီးလောင် ပျက်စီးကာ စွန့်ပစ်ခဲ့ကြောင်း သိရှိရသည်။
အဆိုပါ အကြမ်းဖက် စစ်သားများသည် ပြည်ထောင်စုလမ်းမကြီးတွင် ဖြတ်သန်းသွားလာနေသည့် ကား ၁ စီးကို လက်နက်ပြ ခြိမ်းခြောက်၍ ရပ်တန့်ခိုင်းကာ ကားပေါ်ပါသည့် ပြည်သူများကို ရိုက်နှက်၍ ကားကို ခိုးယူသွားခဲ့ပြီး ပြည်သူများကို လမ်းမဘေးတွင် ထိုင်ခိုင်းကာ ထားခဲ့ကြောင်း သိရသည်။
“စစ်ခွေးသေစာရင်းတော့ အတိအကျတာ့ မသိရသေးဘူး။ ယာဉ်မောင်းခန်းနဲ့ ယာဉ်ပေါ်မှာတာ့ သွေးကွက်တွ တွေ့ရတယ်။ စစ်ခွေးတွေက မြေသယ်ကားတွေနဲ့ လာတာ” ဟု PDF Myeik District Battalion 1 – P23401 မှ တာဝန်ရှိသူ တစ်ဦးက ပြောဆိုသည်။
တိုက်ခိုက်မှုများအတွင်း စစ်သား ၁၀ ဦးထက်မနည်း ထိခိုက်ဒဏ်ရာ ရရှိခဲ့ပြီး အသေးစိတ်ကို ထပ်မံ စုံစမ်းနေကြောင်း၊ တော်လှန်ရေးရဲဘော်များဘက်မှ ထိခိုက်မှု မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
