လိုင်လင်းပီမြို့၊ နယ်မြေရှင်လင်းရေးဆောင်ရွက်နေပြီး မကြာမီပြည်သူ့အုပ်ချုပ်ရေးယန္တာရားလည်ပတ်နိုင်တော့မည်
နိုဝင်ဘာလ ၂၆ ရက်
ချင်းပြည်နယ်-အိန္ဒိယနယ်စပ်မြို့ဖြစ်တဲ့ မတူပီမြို့နယ်၊ လိုင်လင်းပီမြို့ကိုအကြမ်းဖက်စစ်ကောင်စီနဲ့ဒေသကာကွယ်ရေးတပ်ဖွဲ့များ တတိုက်ပွဲပြင်းထန်ပြီးနောက် ပြည်သူများ စစ်ဘေးရှောင်နေရသောကြောင့် ဒေသခံကာကွယ်ရေးတပ်ဖွဲ့များက လိုင်လင်းပီမြို့ကိုနယ်မြေရှင်းလင်းရေးလုပ်ပြီးပြည်သူများမြို့ထဲဝင်ရောက်ကာ ပြည်သူ့အုပ်ချုပ်ရေးယန္တာရားများလည်ပတ်နိုင်ဆောင်ရွက်နေပြီလို့သိရပါတယ်။
နိုဝင်ဘာလ ၁၉ ရက်နေ့က စပြီး အကြမ်းဖက်စစ်ကောင်စီနဲ့ဒေသခံကာကွယ်ရေးပူးပေါင်းတပ်ဖွဲ့များတိုက်ပွဲပြင်းထန်နေတာကြောင့် လိုင်လင်းပီ မြို့ပေါ်နေ ပြည်သူတွေဟာ နီးစပ်ရာ ကျေးရွာများ၊ တောခြံများနဲ့ အိန္ဒိယ ဘက်ကိုစစ်ဘေးရှောင်လာကြပါတယ်။ ခုတော့ ဒေသခံကာကွယ်ရေးတပ်ဖြစ်တဲ့ CDF-Mara က နယ်မြေ ရှင်းလင်းရေးလုပ်ပြီး ပြည်သူတွေပြန်လည်ခေါ်ကာ ပြည်သူအုပ်ချုပ်တဲ့ အဖွဲ့စည်းဖြင့်ဆောင်ရွက်တော့မယ်လို့သိရပါတယ်။
ကြားကာလမရာနယ်ကောင်စီ ( Interim Maraland Council) ဖွဲ့စည်းခဲ့ကြောင်းကို ပြီးခဲ့တဲ့ အောက်တိုဘာလ ၃ နေ့တွင်ထုတ်ပြန်ပြီး ဖွဲ့စည်းနိုင်တာကြောင့် လိုင်လင်းပီမြို့ထဲပြည်သူတွေ ဝင်ရောက်နိုင်တာပြီးတာနဲ့ အုပ်ချုပ်ရေးစတင်တော့မယ်လို့သိရပါတယ်။
“အခုလောလောဆယ်က ကြားကာလမရာနယ်ကောင်စီအကြီးအကဲတွေနဲ့ပူးပေါင်းပြီး လိုင်လင်းပီ စစ်ဘေးရှောင်တွေ ကို ခေါ်ပြီး အရှေ့မရာ တနယ်လုံးကို ကြားကာလ မရာနယ်ကောင်စီ မှပြည်သူ့အုပ်ချုပ်ရေးယန္တာရား လည်ပတ်နိုင်တော့မယ်” လို့ ကြားကာလမရာနယ်ကောင်စီ အရာရှိချုပ် ဆလိုင်းဂျိမ်းစ်က ပြောပါတယ်။
ချင်းပြည်နယ်၊ ဖလမ်းမြို့နယ်၊ ရိခေါဒါရ်မြို့စကစ အထိုင်စခန်းကို ဒေသခံကာကွယ် ပူးပေါင်းတပ်များက သိမ်းပိုက်ထားပြီးနောက် ယခုအချိန်မှာ ပြည်သူ့အုပ်ချုပ်ရေးလုပ်ငန်းများဆောင်ရွက်နေပြီလို့သိရပါတယ်။
