“တိုက်ပွဲများ ပြင်းထန်လာပါက မြန်မာ စစ်ဘေးရှောင်များကို ထိုင်း လက်ခံသွားမည်”
မြန်မာနိုင်ငံအတွင်း တိုက်ပွဲများ ပိုမိုပြင်းထန်လာပါက စစ်ဘေးရှောင်များကို လက်ခံရန် အတွက် ထိုင်း-မြန်မာ နယ်စပ်တလျှောက်မှာ စစ်ရှောင် အဆောက်အအုံများ ဆောက်လုပ်ရန် အသင့်ရှိနေဟု ထိုင်းနိုင်ငံခြားရေး ဝန်ကြီး Parnpree Bahiddha-Nukara က ပြောကြားခဲ့ကြောင်း ဒီကနေ့ထုတ် Bangkok Post သတင်းမှာ ဖော်ပြထားပါတယ်။
KNU နဲ့ PDF ပူးပေါင်းတပ်တွေက စစ်ဆင်ရေး အရှိန်မြှင့်တင်လိုက်ပြီး မုန်းမြို့ကို ထိန်းချုပ်ထားနိုင်ချိန်မှာပဲ ထိုင်းအစိုးရရဲ့ မြန်မာနိုင်ငံ စစ်ရှောင်တွေကို လက်ခံပေးမယ့် သတင်းပေါ်ထွက်လာတာဟာ တိုက်ဆိုင်မှုလို့ ပြောဖို့ ခက်ပါတယ်။
KNU ဟာ ကော့ကရိတ်မြို့ကိုလဲ သိမ်းပိုက်ဖို့ ထိုးစစ်ဆင်နေပြီး ထိုင်း-မြန်မာ ဆက်သွယ်ထားတဲ့ အာရှလမ်းမကြီးကို ထိန်းချုပ်နိုင်ခဲ့ပြီ ဆိုရင် နယ်စပ်ကုန်သွယ်ရေးကအစ ထိုင်းအစိုးရဟာ KNU နဲ့ပဲ စကားပြောရတော့မှာမို့ အခုကတည်းက ကြိုတင်ပြင်ဆင်မှုတွေ ဆောင်ရွက်နေတဲ့ သဘောလို့လဲ သုံးသပ်နိုင်ပါတယ်။
သေချာတာကတော့ ထိုင်းအစိုးရဟာ မြန်မာ့အရေးမှာ နိုင်မြင်းကို ရွေးချယ်လိုက်ပြီလို့ ဆိုမှာပါ။
