စင်ကာပူတွင် ရောက်ရှိနေသည့် မြန်မာနိုင်ငံသား များ ဝင်ငွေခွန်မဆောင်ပါက Passport သက်တမ်းတိုးမပေးဟု မြန်မာသံရုံးထုတ်ပြန်
မော်လမြိုင် ဒီဇင်ဘာ ၁၁ ။
PJနှင့် PB နိုင်ငံကူးလက်မှတ်(Passport )အမျိုးအစားကိုက်ဆောင်ထားသည့် စင်ကာပူရောက်မြန်မာနိုင်ငံသားများ မနက်ဖြန် ဒီဇင်ဘာ ၁၂ ရက်နေ့မှစတင်ပြီး ဝင်ငွေခွန်ပေးဆောင်ရမည်ဖြစ်ပြီး မပေးဆောင်ပါက Passport သက်တမ်းတိုးခြင်းအပါအဝင် သံရုံးကိစ္စရပ်များ လုပ်ဆောင်ပေးမည်မဟုတ်ဟု စင်ကာပူရှိ မြန်မာသံရုံးကယနေ့ထုတ်ပြန်သည်။
အောက်တိုဘာကစပြီး လာရောက်ဆောင်ရွက်သည့်ကာလအထိ ဝင်ငွေခွန်ပေးဆောင်ပြီးမှသာ စင်ကာပူရှိ မြန်မာသံရုံးတွင် Passport သက်တမ်းတိုးမြှင့်ခြင်းနှင့် ကောင်စစ်ဆိုင်ရာကိစ္စရပ်များဆောင်ရွက်ပေးမည်ဟု ထုတ်ပြန်ချက်တွင်ဖော်ပြထားသည်။
နေထိုင်ခွင့်အမျိုးအစားပေါ်မူတည်၍ သတ်မှတ်နှုန်းအပေါ် လစဉ် ၂ ရာနှုန်း အခွန်ပေးဆောင်ရမည်ဖြစ်သည်။
Student Pass ကိုင်ဆောင်ထားသူများအနေဖြင့် ကျောင်းထောက်ခံစာပြပြီး ဝင်ငွေခွန်ကင်းလွတ်မည်ဟု သံရုံးက ဆိုသည်။
Student Pass ကိုင်ဆောင်ထားသူများသည် အခွန်ထမ်းသူ၏ ဇနီး၊ခင်ပွန်း၊ မိဘ၊ သားသမီးများအား အိမ်ထောင်စုစာရင်း၊ လက်ထပ်စာချုပ်များပြပါက သက်တမ်းတိုးပေးမည်ဟု သံရုံးကအသိပေးထားသည်။
