မင်းကင်းမြို့နယ် ကံရွာရှိ ပျူစောထီးစခန်းကို တိုက်ခိုက်ရှင်းလင်းခဲ့တဲ့ မှတ်တမ်းဖိုင် ကျောင်းသားတော်လှန်ရေးတပ်ဖွဲ့ (S.R.F) ထုတ်ပြန် (ရုပ်/သံ)
++++++++++++++++++++++++++++
ဖေဖော်ဝါရီ ၁၃ ရက်
စစ်ကိုင်းတိုင်း၊ မင်းကင်းမြို့နယ် ကံရွာရှိ ပျူစောထီးစခန်းကို ဖေဖော်ဝါရီ ၇ ရက် တော်လှန်ရေး ပူးပေါင်းတပ်တွေ တိုက်ခိုက်ရှင်းလင်းခဲ့တဲ့ မှတ်တမ်းရုပ်သံဖိုင်ကို ကျောင်းသားတော်လှန်ရေးတပ်ဖွဲ့ (S.R.F)က ဖေဖော်ဝါရီ ၁၂ ရက်က ထုတ်ပြန်လိုက်ပါတယ်။
တိုက်ပွဲအတွင်း ပျူစောထီးတပ်တာဝန်ခံ မေးရိုကျည်မှန်ဒဏ်ရာအပြင်း အထန်ရရှိသွားပြီး အခြားပျူစောထီး ၄ ဉီးသေဆုံးကာ စခန်းအတွင်းအဆောက်အအုံတွေကို ရှင်းလင်းခဲ့တယ်လို့ သိရပါတယ်.
ဖေဖော်ဝါရီ ၇ ရက် ကံရွာပျူစောထီးစခန်းတိုက်ပွဲဖြစ်စဉ်ကြောင့် မနေ့ နံနက် ၆ နာရီအထိ (ဖေဖော်ဝါရီ ၁၂ ရက်) စစ်ကောင်စီတပ်နဲ့ ကျောင်းသားတော်လှန်ရေးတပ်ဖွဲ့ SRF၊ Brave eagle revolution force (B.E.R.F)၊ People’s Liberation Army (P.L.A)နဲ့ ချင်းတွင်းအထက်မြစ်ရိုးတော်လှန်ရေးတပ်ဖွဲ့ (U.C.R.R.F) စတဲ့ တော်လှန်ရေးပူးပေါင်းတပ်တွေကြား ဆက်လက်တိုက်ပွဲဖြစ်ပွားနေဆဲ ဖြစ်တယ်လို့ သိရပါတယ်။
