သုံးဆယ်ပေးကျေးရွာတိုက်ပွဲ စစ်ကောင်စီတပ်သား ၃၀ဦးနှင့်ပျူစောထီ ၂ဥဦးသေ (ရုပ်သံ)
နိုဝင်ဘာ ၂၂
အောက်ဆုံးတွင်ဗီဒီယိုဖိုင်ကြည့်ရန်
မန္တလေးတိုင်း၊မတ္တရာမြို့နယ်၊သုံးဆယ်ပေးကျေးရွာတွင် အထိုင်ချတပ်စွဲထားသည့် စစ်ကောင်စီတပ်ဖွဲ့ကို တိုက်ခိုက်ခဲ့ရာ စစ်သား ၃၀ဦးနှင့်ပျူ ၂ဦးသေဆုံးခဲ့ကြောင်း ပုသိမ်ကြီးမြို့နယ် ပြည်သူ့ကာကွယ်ရေးတပ်ဖွဲ့က ယနေ့ နိုဝင်ဘာ ၂၂ရက်တွင် သတင်းထုတ်ပြန်ထားပါတယ်။
မန္တလေးမြို့နှင့် ၅မိုင်ခန့်သာဝေးသည့် မတ္တရာမြို့နယ်ထဲမှ သုံးဆယ်ပေးရွာတွင် အထိုင်ချတပ်စွဲထားသည့် စစ်ကောင်စီတပ်ဖွဲ့ကို နိုဝင်ဘာ ၁၉ရက်တွင် ပြည့်သူ့ကာကွယ်ရေးတပ်ဖွဲ့များက တိုက်ခိုက်ခဲ့တာလို့ဆိုပါတယ်။
“စကစနဲ့ပျူအထိုင်ချတပ်ဆွဲထားတဲ့စခန်းကို ကျွန်တော်တို့အဖွဲ့တွေ တိုက်ခိုက်ခဲ့တယ်။စခ (၃၀)ခန့်နဲ့ ပျူ(၂) ကောင် သေဆုံးပြီး ကျွန်တော်တို့ဘက်ပ အထိခိုက် မရှိ ပြန်လည်ဆုတ်ခွာနိုင်ခဲ့ပါတယ်။”ဟု ပုသိမ်ကြီးမြို့နယ် ပြည်သူ့ကာကွယ်ရေးတပ်ဖွဲ့တာဝန်ရှိသူကပြောပါတယ်။
စခန်းသိမ်းနိုင်မည့်အခြေအနေတွင် ကျည်မလုံလောက်ခြင်းနှင့် မန္တလေးမြို့ဘက် မှ စစ်ကား ၄စီးဖြင့် စစ်ကူများရောက်ရှိလာ၍ ပြည်သူ့ကာကွယ်ရေးတပ်ဖွဲ့များက အထိအခိုက် မရှိဆုတ်ခွာခဲ့ကြောင်း ပုသိမ်ကြီးမြို့နယ်၊ပြည်သူ့ကာကွယ်ရေးတပ်ဖွဲ့ကဆိုပါတယ်။
ပုသိမ်ကြီးမြို့နယ်ပြည်သူ့ကာကွယ်ရေးတပ်ဖွဲ့(ပကဖ)၊ပြင်ဦးလွင်ခရိုင်ပြည်သူ့ကာကွယ်ရေးတပ်ဖွဲ့၊မတ္တရာမြို့နယ်ပြည်သူ့ကာကွယ်ရေးတပ်ဖွဲ့၊GZP၊BRA၊Thunderbird(LDF)၊ကောင်းကင်တော်လှန်ရေးအင်အားစုနှင့်Shar Htoo Waw နည်းပညာတို့ဖြင့်ပူးပေါင်း တိုက်ခိုက်ခဲ့ခြင်းဖြစ်ကြောင်းသိရပါတယ်။
ထိုသို့တိုက်ခိုက်ခံရပြီး အထိနာသည့် စစ်ကောင်စီတပ်ဖွဲ့သည် သုံးဆယ်ပေးရွာမှ နေအိမ် ၂၀ကျော်ကို မီးရှို့ဖျက်ဆီးခဲ့ကြောင်းသိရပြီး ဒေသခံများ စစ်ဘေးရှောင်နေရတယ်လို့သိရပါတယ်။
ရုပ်သံပေးပို့/ပုသိမ်ကြီးမြို့နယ် ပြည်သူ့ကာကွယ်ရေးတပ်ဖွဲ့
