ရေဉီးမြို့နယ် အောင်သာယာရွာရှိ ပျူစောထီးစခန်းကို တော်လှန်ရေးတပ်တွေ စီးနင်းတိုက်ခိုက် စစ်သားနဲ့ ပျူစောထီးအများအပြားသေဆုံး ၇ ဉီးအရှင်ဖမ်းမိ (ရုပ်/သံ)
နိုဝင်ဘာ ၂၅ ရက်
စစ်ကိုင်းတိုင်း ရေဉီးမြို့နယ် အောင်သာယာရွာရှိ ပျူစောထီးစခန်းကို တော်လှန်ရေးပူးပေါင်းတပ် တွေ စီးနင်းတိုက်ခိုက်ခဲ့ရာ အကြမ်းဖက်စစ်သားနဲ့ ပျူစောထီး ၁၀ ဉီးသေဆုံးပြီး ၁၅ ဉီး ဒဏ်ရာရရှိသွားကာ စစ်သား ၁ ဉီးနဲ့ ပျူစောထီး ၆ ဉီး စုစုပေါင်း ၇ ဉီးကို အရှင်ဖမ်းမိခဲ့တယ်လို့ 96 Soldiers – PDF မှ သတင်းရရှိပါတယ်။
နိုဝင်ဘာ ၂၄ ရက် နံနက်၄ နာရီခန့်က တော်လှန်ရေးပူးပေါင်းတပ်တွေက အောင်သာယာရွာကို စီးနင်းတိုက်ခိုက်ခဲ့တာဖြစ်ပြီး တိုက်ပွဲ ၁ နာရီခွဲခန့်ဖြစ်ပွားခဲ့ကာ ရန်သူ့ဘန်ကာတွေနဲ့ အဓိကစခန်း ကို သိမ်းပိုက်နိုင်ခဲ့ပြီး နယ်မြေရှင်းလင်းဖို့ လုပ်ဆောင်ခဲ့ပေမယ့် စစ်ကောင်စီတပ်က ရေဦးမြို့ဘက်မှ လက်နက်ကြီး ပစ်ကူပေးတာ၊ စစ်ကူယာဉ်များ စေလွတ်ခဲ့တာနဲ့ နမခမှ Mi 35 ရဟတ်ယာဥ်နဲ့ လာရောက်ပစ်ခတ်ခဲ့တဲ့အတွက် တော်လှန်ရေးတပ်တွေ ပြန်လည်ဆုတ်ခွာခဲ့ရတယ်လို့ သိရပါတယ်။
တိုက်ပွဲအတွင်း အကြမ်းဖက်စစ်သားနဲ့ ပျူစောထီး ၁၀ ဉီးသေဆုံးပြီး ၁၅ ဉီးခန့် ဒဏ်ရာရရှိသွား ကာ စစ်သား ၁ ဉီးနဲ့ ပျူစောထီး ၆ ဉီး စုစုပေါင်း ၇ ဉီး အရှင်းဖမ်းမိခဲ့တယ်လို့ သိရပါတယ်။ တော်လှန်ရေးပူးပေါင်းတပ်ဘက်က 96 ရဲဘော် ၂ ဦး( ၁ ဦး စိုးရိမ်ရ) အပါအဝင် ၅ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
စစ်ဆင်ရေးတွင် 96 soldiers အညာဒေသတပ်ခွဲမှ ရဲဘော်တွေနဲ့ PLA အဖွဲ့၊ BNRA အဖွဲ့၊ ဒေသခံ Local PDF အဖွဲ့တွေ ပူးပေါင်းဆောင်ရွက်ခဲ့ကြတယ်လို့ သိရပါတယ်။
တလရ