ပုလဲမြို့ပေါ်ရှိ ထွေအုပ်ရုံးနှင့် ရဲစခန်းတို့ကို ၂ ရက်ဆက် ဒရုန်းဖြင့် ဗုံးကျဲတိုက်ခိုက်
ရန်ကုန်၊ ဒီဇင်ဘာ ၃၀
စစ်ကိုင်းတိုင်း၊ ပုလဲမြို့ပေါ်ရှိ အကြမ်းဖက်စစ်တပ် လက်အောက်ခံ ပုလဲမြို့မရဲစခန်းနှင့် ထွေအုပ်ရုံးတို့ကို ၂ ရက်ဆက် ဒရုန်းဖြင့် ဗုံးကျဲတိုက်ခိုက်ခဲ့ကြောင်း ဒေါင်းတမန်လေကြောင်း စစ်ဆင်ရေးအဖွဲ့ထံမှ သိရသည်။
ဒီဇင်ဘာလ ၂၈ ရက် နံနက် ၁၀ မိနစ် ၃၀ ခန့်က ပုလဲမြို့ပေါ်ရှိ အထွေထွေအုပ်ချုပ်ရေးမှူးရုံးကို ဗုံးသီး ၂ လုံးဖြင့် လည်းကောင်း၊ မွန်းတည့် ၁၂ နာရီ မိနစ် ၃၀ တွင် ပုလဲမြို့ပေါ်ရှိ ရဲစခန်းကို ဗုံးသီး ၄ လုံးဖြင့် လည်းကောင်း၊ ဒီဇင်ဘာလ ၂၉ ရက် မွန်းတည့် ၁၂ နာရီခန့်တွင် ပုလဲမြို့နယ် အထွေထွေ အုပ်ချုပ်ရေးမှူး ရုံးကို ဗုံးသီး ၂ လုံးဖြင့် လည်းကောင်း၊ မွန်းလွဲ ၂ နာရီခန့်တွင် ပုလဲမြို့မရဲစခန်းကို ဗုံး သီး ၃ လုံးဖြင့် လည်းကောင်း ကျဲချတိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှုကို Shar Htoo Waw နည်းပညာတပ်ဖွဲ့၏ Team(3) PDAF ၊ Shar Htoo Waw Team(4)SSTF ၊ မုံရွာခရိုင်တပ်ရင်း ၂၄ တပ်ခွဲ ၃ ၊ တိမ်တမာန် လေကြောင်းစစ်ဆင်ရေး၊ စစ်ကိုင်း တိုင်း၊ ပကဖ ၊ ဆားလင်းကြီးမြို့နယ်၊ ပကဖ ၊ ကျောက်လုံးကြီးKLG တပ်မဟာ ၊ Seven People Defense Force-Mandalay ၊ Union Brothers-UB(ပြည်သူ့အကျိုးဆောင်အဖွဲ့)၊ Support To Federal Democracy ၊ CONNECT နှင့် ဒေသခံတပ်ရင်း၊ တပ်ဖွဲ့များ ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။
ဒေါင်းတမန်လေကြောင်းစစ်ဆင်ရေးအဖွဲ့အနေဖြင့် ထောက်ပံ့ရရှိသည့် ပစ္စည်းများဖြင့် ပူးပေါင်းကာ စစ်အာဏာရှင်စနစ်ကို တွန်းလှန်တိုက်ခိုက်နေခြင်းဖြစ်ပြီး ဒရုန်းအစီးရေများများဖြင့် စွမ်းအားပြင်း ယမ်းများကို အသုံးပြုကာ ပိုမိုထိရောက်သော မစ်ရှင်များကို ဖော်ဆောင်လိုပါသဖြင့် မိဘပြည်သူ များမှ ပူးပေါင်းပါဝင် ကူညီပေးကြပါရန် မေတ္တာရပ်ခံထားသည်။
